თვითმმართველობა
თვითმმართველობებში ადმინისტრაციული ხარჯი გაიზარდა
პირველად თვითმმართველობის ისტორიაში საკრებულოების ფრაქციების თავმჯდომარეებს მოადგილეები ეყოლებათ. შესაბამისი ცვლილებები ”ადგილობრივი თვითმმართველობის კოდექში” განხორციელდა.


კახეთის მუნიციპალიტეტის საკრებულოებში ფრაქციების თავმჯდომარეების მოადგილეები დედოფლისწყაროსა და საგარეჯოს გარდა, ყველგან აირჩიეს. თუმცა, ეს საკითხი დღის წესრიგში აქაც დგას. ამ სიახლეს საკრებულოს წევრებს შორის არაერთგვაროვანი დამოკიდებულება მოჰყვა. როგორც „ერთიანი ნაციონალური მოძრაობის“ წევრმა და გურჯაანის მუნიციპალიტეტის საკრებულოს წევრმა თემურ ბუწაშვილმა აღნიშნა, ფრაქციის თავმჯდომარის მოადგილის დანიშვნა გაზრდილ ბიუროკრატიას ნიშნავს.
„ ჩვენ მიგვაჩნია, რომ ესენი არიან ის ადამიანები, რომლებიც ვალდებულებაში არიან ხელისუფლებასთან, ამიტომ ხელისუფლება მათ 1200 ლარიანი ხელფასით ასაჩუქრებს. ვფიქრობ, რომ ხალხის მიერ არჩეულ დეპუტატს, მოსახლეობასთან ყოველგვარი ანაზღაურების გარეშე უნდა ჰქონდეს ურთიერთობა. მათზე გაცემული ხელფასი, არის ერთგვარი სიკეთის და პატივისცემის დაბრუნება, რომლებიც თავის დროზე მაჟორიტარებმა გაიღეს მმართველი უმრავლესობისთვის .“

საკრებულოს თავმჯდომარის მოადგილე გია შაოშვილი კი მიიჩნევს, რომ დეპუტატის საქმიანობა აუცილებლად ანაზღაურებადი უნდა იყოს.„დეპუტატი გადის სოფელში, ეცნობა ხალხის პრობლემას და მოაქვს აქამდე. ჩვენი მწირი ბიუჯეტი ვერ იძლევა იმის საშულებას, რომ ყველა დეპუტატს ჰქონდეს ხელფასი. ისინი ამჟამად მხოლოდ ხარჯის თანხას იღებენ. რაც შეეხება ფრაქციის თავმჯდომარის მოადგილეს, ეს აუცილებელიც არის. როდესაც ანაზღაურება აქვს, საკრებულოს წევრი ვალდებულია მოვიდეს და თავიდან ბოლომდე ჩაერთოს ყველა პროცესში. რასაც ვერ დავავალდებულებთ რიგით დეპუტატს.“

მისივე თქმით, მოადგილეებზე გაცემული ხელფასი ბიუჯეტს ტვირთად არ დააწვება.
„ვთვლი, რომ ბიუჯეტი უაზროდ არ იხარჯება. უნდა გაგვიხარდეს როდესაც ვიღაც დასაქმებულია, ხელფასს იღებს. ისინი უფრო პროდუქტიულები ხდებიან, რაც დადებითად წაადგება საკრებულოს მუშაობას. არც ისეთი უსაშველო თანხაა, რომ ბიუჯეტმა ექვსი მოადგილის ხელფასი ვერ გადაიხადოს. ეს მარტო მმართველ გუნდზე არ არის გათვლილი, ოპოზიციური ფრაქციის თავმჯდომარეებსაც ჰყავთ მოადგილეები და მათაც იგივე ხელფასი აქვთ. რაც შეეხება „ქართული ოცნების“ ფრაქციის ორ მოადგილეს, ეს კანონში დევს და ამას ვერ დავარღვევთ. ერთ-ერთმა ოპოზიციონერმა განაცხადა, რომ ვიღაცის დასაქმება უნდოდათო. ეს არასერიოზულია, რადგან მათ ფრაქციაშიც დაინიშნა მოადგილე. ზოგადად ფრაქციას ბევრი პრობლემატური საკითხის წამოჭრა და მოგვარება შეუძლია. “

როგორც გურჯაანის მუნიციპალიტეტის მერიის საფინანსო-საბიუჯეტო სამსახურის უფროსმა, ნატო გონგაძემ ჩვენთან საუბარში განმარტა, საკრებულოს ადმინისტრაციული ხარჯი 90 ათასი ლარით გაიზრდება. „დაინიშნა საკრებულოს ფრაქციების თავმჯდომარეების ექვსი მოადგილე. ნაშთის გამოყენების გზით სახელფასო ფონდი 90 ათასი ლარით გაიზრდება. თითოეული მათგანის სახელფასო სარგო დარიცხული 1250 ლარია. ბიუჯეტში შესაბამისი ცვლილებები განხორციელდება.“

როდესაც კანონპროექტი განსახილველად პარლამენტში შევიდა, განმარტებით ბარათში აღნიშნული იყო: „კანონპროექტის მიზანია გაძლიერდეს მუნიციპალიტეტის საკრებულოს ფრაქციები, რათა მათ უკეთ შეძლონ თავიანთი პოლიტიკური კურსის გამოხატვა და გატარება საკრებულოს უფლებამოსილებას მიკუთვნებულ საკითხებთან დაკავშირებით. ამასთანავე, თავიდან იქნეს აცილებული საკრებულოს ფრაქციების საქმიანობის შეფერხების რისკი, იმით რომ განხორციელდება მუნიციპალიტეტის ფრაქციის თავმჯდომარის უფლებამოსილებათა გადანაწილება თავმჯდომარესა და თავმჯდომარის მოადგილეებს შორის და თავმჯდომარის არყოფნა არ შეაფერხებს ფრაქციების ნორმალური საქმიანობის პროცესს.”

საქართველოს ახალგაზრდა იურისტთა ასოციაციის საარჩევნო და თვითმმართველობის პროექტების კოორდინატორის, ირმა პავლიაშვილის განმარტებით კი, თვითმმართველობის გაძლიერებას უფრო მეტი დამოუკიდებლობა სჭირდება პოლიტიკური და ფინანსური თვალსაზრისით. „მოადგილეების რაოდენობის ზრდა და ანაზღაურების მიცემა რეალურად იმ მიზანს, რა მიზნითაც ეს ხორციელდება, სავარაუდოდ ვერ მიაღწევს. თვითმმართველობის გაძლიერებას ინსტიტუციურად მეტი დამოუკიდებლობა სჭირდება როგორც პოლიტიკური, ისე ფინანსური კუთხით. ამიტომ მნიშვნელოვანია თვითმმართველობის გაძლიერების მიზნით, გვქონდეს ერთიანი ხედვა-სტრატეგია და მივცეთ მას მეტი დამოუკიდებლობა“.

შეგახსენებთ, რომ 2017 წლის 15 დეკემბერს ადგილობრივი თვითმმართველობის კოდექსში შევიდა ცვლილება, რომელიც საკრებულოებში ფრაქციის თავმჯდომარის მოადგილის თანამდებობის შექმნას ითვალისწინებს. ცვლილების მიხედვით, ფრაქციის თავმჯდომარეს შეიძლება ჰყავდეს ერთი მოადგილე. ცხრა ან ცხრაზე მეტი წევრის არსებობის შემთხვევაში ფრაქციის თავმჯდომარე უფლებამოსილია, ჰყავდეს დამატებით ერთი მოადგილე.

სიღნაღისა და ყვარლის მუნიციპალიტეტის საკრებულოში 4 ფრაქციაა და 5 მოადგილე დაინიშნა. ლაგოდეხსა და ახმეტაში საკრებულოების ხუთი ფრაქციის თავმჯდომარეებს 6 მოადგილე ჰყავთ. თელავში ოთხი ფრაქციაა და 5 მოადგილე.
დედოფლისწყაროს მუნიციპალიტეტის საკრებულოს თავმჯდომარის ნუგზარ პაპიაშვილის თქმით, მათთან ოთხი ფრაქცია მუშაობს და მოადგილეები ჯერ არ ჰყავთ. „არ ვჩქარობთ, შევხედავთ სიტუაციას. თუ ფრაქციის თავმჯდომარეებს აქვთ სურვილი, მოგვმართავენ. “
რაც შეეხება საგარეჯოს, აქ საკრებულოში სამი ფრაქციაა და არც ერთი მოადგილე, თუმცა, როგორც საკრებულოს თავმჯდომარე ოთარ ჩალათაშვილმა ჩვენთან საუბარში აღნიშნა, ეს საკითხი დღის წესრიგში დგას.

Print E-mail
FaceBook Twitter Google
ამავე კატეგორიაში
თელავის მუნიციპალიტეტის სოფელ რუისპირის შიდასაუბნო გზების
მოასფალტების თანხა, ორი სოფლის სტადიონის კეთილმოწყობას
მოხმარდება. 
თელავის მუნიციპალიტეტის სოფელ რუისპირის შიდასაუბნო გზების მოასფალტების თანხა, ორი სოფლის სტადიონის კეთილმოწყობას მოხმარდება. 
14:42 / 23.04.2018
გურჯაანის მუნიციპალიტეტის მერმა არჩილ ხანდამაშვილმა, განყოფილებისა
და სამსახურის უფროსები, ასევე სოფლებში მერის წარმომადგენლები
წარადგინა, რომლებიც კონკურსის წესით დაინიშნენ.
გურჯაანის მუნიციპალიტეტის მერმა არჩილ ხანდამაშვილმა, განყოფილებისა და სამსახურის უფროსები, ასევე სოფლებში მერის წარმომადგენლები წარადგინა, რომლებიც კონკურსის წესით დაინიშნენ.
16:20 / 30.03.2018
სიღნაღის მუნიციპალიტეტის საკრებულოს სხდომა ხმაურის ფონზე
მიმდინარეობს. სესიას
სიღნაღის მუნიციპალიტეტის საკრებულოს სხდომა ხმაურის ფონზე მიმდინარეობს. სესიას "ნაციონალური მოძრაობის" ლიდერები და ადგილობრივები ესწრებიან.
15:43 / 30.03.2018
თელავის საკრებულოში სიტყვიერი დაპირისპირება ფიზიკურში გადაიზარდა.
თელავის საკრებულოში სიტყვიერი დაპირისპირება ფიზიკურში გადაიზარდა. "ნაციონალური მოძრაობის" დეპუტატი ბადურ რევაზიშვილი და მოქალაქე გიორგი მოსიაშვილი ერთამენთს ფიზიკურად შეეხნენ.
12:24 / 23.03.2018
თელავის მუნიციპალიტეტის საკრებულულოს სხდომა სიტყვიერი
დაპირისპირების ფონზე მიმდინარეობს, რის გამოც პოლიცია გამოიძახეს.
თელავის მუნიციპალიტეტის საკრებულულოს სხდომა სიტყვიერი დაპირისპირების ფონზე მიმდინარეობს, რის გამოც პოლიცია გამოიძახეს.
12:04 / 23.03.2018
სხვა ამბები
განათლების და მეცნიერების სამინისტროს ინფორმაციით, უცხოეთიდან ქართულ სასწავლებლებში გადმოსულ სტუდენტებს, ზოგადი უნარების ჩაბარება მოუწევთ.
17:29 / 16-10-2018
ერთი ბნელი ძალის ორი პარტიის წარმომადგენლები საზღვარგარეთ გავიდნენ, ხელი მოაწერეს რაღაც ქარტიაზე იმის ნიშნად, რომ არ გალანძღავდნენ ერთმანეთს, ერთი იდეოლოგიის მატარებლები არიან და თავს ვერ იკავებენ, ერთმანეთსაც ლანძღავენ.
16:56 / 16-10-2018
მცხეთა სხვადასხვა კუთხით, სიმბოლოთი უნიკალურია, ამასვე მოწმობს ჩვენი ისტორია. ეს ქალაქი უნიკალურია ქართველებსა და ებრაელებს შორის ურთიერთობით, მსოფლიოში ამ ფაქტით ტოლერანტობის სიმბოლოდ მოვიაზრებით.
16:52 / 16-10-2018
ძუძუს კიბო არის სარძევე ჯირკვლის ავთვისებიანი სიმსივნე, იგი ყველაზე გავრცელებული კიბოა ქალთა პოპულაციაში და სიხშირით მეორე ადგილზეა ფილტვის კიბოს შემდეგ.
15:02 / 16-10-2018
მე არ ვარ თერგდალეული, მე ვარ სენადალეული და თურმე ეს არის ამ ქვეყანაში დანაშაული,-ასე მიმართა ყაზბეგელებს პრეზიდენტობის კანდიდატმა სალომე ზურაბიშვილმა ყაზბეგში ამომრჩეველთან შეხვედრისას.
10:58 / 16-10-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« ოქტომბერი 2018 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.