საზოგადოება
ახალი სტანდარტი და რეორგანიზაცია საბავშვო ბაღებში
უახლოეს პერიოდში საბავშვო ბაგა-ბაღებში მნიშვნელოვანი რეორგანიზაცია დაიწყება, რომელსაც საფუძვლად უდევს მიმდინარე წლის 8 ივნისს პარლამენტის მიერ მიღებული "საქართველოს კანონი ადრეული და სკოლამდელი აღზრდისა და განათლების შესახებ".


როგორც გურჯაანის სკოლამდელი სააღმზრდელო გაერთიანების ხელმძღვანელი ლელა თევდორაშვილი ამბობს, საქართველოში, წლების განმავლობაში, მსგავსი კანონი არ არსებობდა.
"ახალი კანონის შესაბამისად, ყველა ბაღში იქნება მაღალი სტანდარტის მომსახურება. აქედან გამომდინარე, განხორციელდება შესაბამისი რეფორმები. თებერვლის ბოლოს, კანონის შესაბამისად, მუნიციპალიტეტის თვითმმართველობებისთვის, გაერთიანებისა და ბაღებისთვის სპეციალური სახელმძღვანელო ე.წ. "გზამკვლევი" გამოვა. დაახლოებით მარტის შუა რიცხვებიდან გამოცხადდება რეორგანიზაცია. გაერთიანების წესდებაში მოხდება ცვლილებები, რაღაც ფუნქციები დაგვემატება და რაღაც შეგვეზღუდება. თითოეული საბავშვო ბაღი უნდა ჩამოყალიბდეს დამოუკიდებელი ააიპ-ის სახით, რომელსაც მენეჯერი კი არა, დირექტორი ეყოლება. ამ კანონის შესაბამისად, ბაღები იძენენ დამოუკიდებლობას და მათ ბანკში ცალკე ანგარიში ექნებათ."

მისივე თქმით, კანონმდებლობიდან გამომდინარე, თითოეულ საბავშვო ბაღში დაცული უნდა იყოს, სანიტარიის, ჰიგიენის, კვების, ინფრასტრუქტურის, აღმზრდელ პედაგოგისა და სასწავლო პროგრამის ხარისხის სტანდარტები.
"კანონის შესაბამისად, აპრილი, მაისი, ივნისი ძალიან დატვირთული თვეები იქნება ბაღებისთვის. დადგინდება დირექტორების საკვალიფიკაციო მოთხოვნები და ჩატარდება შესარჩევი კონკურსი. ამის შემდეგ მოხდება კადრების დალაგება. გარკვეული ცვლილებები იქნება შტატების თვალსაზრისითაც. ჯგუფს ეყოლება აღმზრდელ-პედაგოგი და აღმზრდელი, გაუქმდება თანაშემწის შტატი. თუ დღეს აღმზრდელის თანაშემწეს ჭურჭლის რეცხვისა და დალაგების ფუნქცია აქვს, უკვე აღარ ექნება, ამისთვის დაემატება ცალკე შტატი. გარდა ამისა, კვება გახდება ოთხჯერადი, ამიტომ მოგვიწევს მენიუს გადაწყობა.რაც შეეხება ჰიგიენას, ამ კუთხით, შეიძლება ითქვას, რომ ჩვენს მუნიციპალიტეტში კარგი მდგომარეობაა, კვების ბლოკები და წყალგაყვანილობის საკითხი მოგვარებული გვაქვს. ინფრასტრუქტურა ადვილად მოსაწესრიგებელი არ არის, ამიტომ ამ პუნქტის შესრულების ვადამ 2020 წლამდე გადაიწია."
ლელა თევდორაშვილის თქმით, ყველაზე რთული მაინც აღმზრდელ-პედაგოგის და დირექტორის შერჩევა იქნება.
"ამ სტანდარტის მიხედვით საკმაოდ დიდი მოთხოვნებია დაწესებული. გაერთიანება დებს გარკვეულ თანხას ბიუჯეტში, რომელიც მოიცავს თანამშრომელთა გადამზადებას. ჩატარდება ტრენინგები და შემდეგ იქნება ტესტირება, სადაც გაირკვევა ამჟამინდელი აღმზრდელები აკმაყოფილებენ თუ არა სტანდარტებს. ადამიანური რესურსი განსაკუთრებით სოფლებში ჭირს. დირექტორის არჩევისას აუცილებელი მოთხოვნა იქნება უმაღლესი განათლება. კონკურსში მონაწილეობის მიღება ნებისმიერ მსურველს შეეძლება, რომელიც სტანდარტებს დააკმაყოფილებს."

როგორც გაერთიანების ხელმძღვანელმა განმარტა, უკვე ააიპ-ებად ჩამოყალიბებული ბაღები, ახალ დირექტორებთან ერთად ყველა ამ სტანდარტზე მუშაობას დაიწყებს.
"ყველა სტანდარტი პირველ ოქტომბრამდე უნდა დაკმაყოფილდეს, თუ არადა, კანონმდებლობიდან გამომდინარე, საბავშვო ბაღი ავტორიზაციას ვერ გაივლის, დაფინანსებას ვერ მიიღებს და შესაბამისად, ვერ იფუნქციონირებს. პირველი ივლისისთვის ჩვენ ეს ყველაფერი უნდა დავამთავროთ, შემდგომ ბაღებმა უნდა მიმართონ ადგილობრივ თვითმმართველობას ავტორიზაციის მოთხოვნით."
მისივე თქმით, მუნიციპალიტეტის გამგეობას ეყოლება ჯგუფი, რომელიც რამდენჯერმე შევა ბაღებში როგორც გეგმიურად, ისე არაგეგმიურად და შეამოწმებს შესრულებულია თუ არა ყველა ვალდებულება. მხოლოდ ამის შემდეგ გადაწყდება დაწესებულებისთვის ავტორიზაციის მინიჭების საკითხი.
Print E-mail
FaceBook Twitter Google
ამავე კატეგორიაში
გარემოს ეროვნული სააგენტოს ინფორმაციით,დღეს საქართველოს ზოგიერთ
რაიონში მოსალოდნელია ხანმოკლე წვიმა. ჰაერის ტემპერატურა დაბლობსა და
ბარში +15, +20 გრადუსის ფარგლებში იქნება.
გარემოს ეროვნული სააგენტოს ინფორმაციით,დღეს საქართველოს ზოგიერთ რაიონში მოსალოდნელია ხანმოკლე წვიმა. ჰაერის ტემპერატურა დაბლობსა და ბარში +15, +20 გრადუსის ფარგლებში იქნება.
12:07 / 24.04.2018
კახეთის რეგიონალური განვითარების ფონდმა პროექტის ფარგლებში,
გურჯაანში სოციალურად დაუცველ ოჯახს ახალშობილისთვის სასაჩუქრე პაკეტი
გადასცა.
კახეთის რეგიონალური განვითარების ფონდმა პროექტის ფარგლებში, გურჯაანში სოციალურად დაუცველ ოჯახს ახალშობილისთვის სასაჩუქრე პაკეტი გადასცა.
11:43 / 24.04.2018
9 მაისს, გურჯაანის დიდების მემორიალზე ფაშიზმზე გამარჯვებას კიდევ
ერთხელ იზეიმებენ.
9 მაისს, გურჯაანის დიდების მემორიალზე ფაშიზმზე გამარჯვებას კიდევ ერთხელ იზეიმებენ.
17:23 / 23.04.2018
ქალაქ გურჯანში, აღმაშენებლის ქუჩაზე მდებარე საავადმყოფოს შენობა
უკვე ექვსი წელია უფუნქციოდაა დარჩენილი. მიმდებარედ მცხოვრები
მოსახლეობა საფრთხეებზე საუბრობს.
ქალაქ გურჯანში, აღმაშენებლის ქუჩაზე მდებარე საავადმყოფოს შენობა უკვე ექვსი წელია უფუნქციოდაა დარჩენილი. მიმდებარედ მცხოვრები მოსახლეობა საფრთხეებზე საუბრობს.
16:49 / 23.04.2018
"საქართველოს პირველი დემოკრატიული რესპუბლიკა" - ამ სახელწოდებით იუსტიციის სამინისტროს ეროვნული არქივის ორგანიზებით, გურჯაანის იუსტიციის სახლში გამოფენა გაიხსნა.
13:25 / 23.04.2018
სხვა ამბები
29 აპრილს გურჯაანის სპორტკომპლექსში ცურვის ოთხ სახეობაში საქართველოს პირველობა ჩატარდება.
16:36 / 23-04-2018
გურჯაანის მუნიციპალიტეტის საჯარო სკოლებს შორის სპორტის სხვადასხვა სახეობებში ზონალური ტურნირები დაიწყო.
15:25 / 20-04-2018
ქალაქ ბათუმში, საჭადრაკო კლუბ "ნონას“ ორგანიზებით, სენიორ მოჭადრაკეთა შორის საერთაშორისო ტურნირი - "გურამ ჭანტურიას თასი-2018“ ჩატარდა.
14:04 / 19-04-2018
24 აპრილიდან მეთორმეტე კლასის მოსწავლეების მიერ გაცდენილი საათები აღარ დაიანგარიშება. თუმცა, ამ პერიოდში, მათთვის სკოლაში სასწავლო პროცესი ჩვეულებრივად მიმდინარეობს.
16:48 / 12-04-2018
ახალი სასწავლო წლიდან მეორე კლასელი მოსწავლეებისთვის საგაკვეთილო პროცესი 5 წუთით შემცირდება. ამის შესახებ „პალიტრანიუსის“ გადაცემაში განათლებისა და მეცნიერების მინისტრის მოადგილემ, ლია გიგაურმა განაცხადა.
16:21 / 11-04-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« აპრილი 2018 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.