საზოგადოება
რა მოთხოვნებს უნდა აკმაყოფილებდნენ საბავშვო ბაღების აღმზრდელ-პედაგოგები
speqtri.ge-ზე გამოქვეყნებულ სტატიას „ახალი სტანდარტი და რეორგანიზაცია საბავშვო ბაღებში“, დიდი გამოხმაურება მოჰყვა.
გაჩნდა კითხვები, კვებასთან, ტრენინგების ჩატარებასთან, პედაგოგების ასაკობრივ ზღვართან და უკვე გადამზადებული პედაგოგების ხელფასებთან დაკავშირებით.


სწორედ ამ კითხვებით მივმართეთ განათლებისა და მეცნიერების სამინისტროს. უწყებაში განმარტეს, რომ ისინი მხოლოდ აღმზრდელი პედაგოგის პროფესიულ სტანდარტზე მუშაობენ, რის შემდეგაც მოხდება მათი ტრენინგ-მოდულის მომზადება. სხვა სტანდარტების განსაზღვრა კი, ადგილობრივი თვითმმართველობისა და სკოლამდელი სააღმზრდელო დაწესებულებების გაერთიანების პრეროგატივაა.
„ამჯერად მიდის დოკუმენტის სრულყოფა, რომელიც პირველი აპრილისთვის იქნება მზად. როდესაც საბოლოო სახე ექნება, ყველასთვის საჯარო გახდება“. - განმარტეს სამინისტროში.

აღნიშნულ საკითხზე დეტალურად გვესაუბრა გურჯაანის სკოლამდელი სააღმზრდელო გაერთიანების დირექტორი ლელა თევდორაშვილი. მისი თქმით, სააღმზრდელო დაწესებულებებისთვის, პირველ რიგში - დირექტორები, შემდეგ კი აღმზრდელები შეირჩევიან.
„ზოგადად, დირექტორების საკვალიფიკაციო მოთხოვნების დადგენა უნდა უზრუნველყოს მუნიციპალიტეტის გამგეობამ. ამ ეტაპზე ვერც დავადასტურებ და ვერც უარვყოფ დირექტორებისა და პედაგოგებისთვის იქნება თუ არა განმსაზღვრელი ასაკი და საერთო სტაჟი. ახალი კანონმდებლობის მიხედვით, 2020 წლამდე დასაქმებული პედაგოგისთვის მოთხოვნები სხვა არის, რომელიც 2020 წლის შემდეგ დასაქმებულთათვის მკაცრდება.“

ლელა თევდორაშვილმა იმ მოთხოვნებზე ისაუბრა, რომელსაც მომავალში პედაგოგი უნდა აკმაყოფილებდეს.
„პიროვნება, აუცილებლად უნდა იყო პროფესიული განათლების მქონე და წარმატებით ჰქონდეს გავლილი განათლების სამინისტროს მიერ შემუშავებული აღმზრდელ პედაგოგთა გადამზადების პროგრამა. იყო პერიოდი, როდესაც არამონათესავე განათლების მქონე პირებსაც შეეძლოთ ბაღში მუშაობის დაწყება. ამჯერად, ასე აღარ იქნება. მათ უნდა ჰქონდეთ ბაკალავრის ან მაგისტრის ხარისხი. ასევე შეიძლება იყოს - განვითარების ფსიქოლოგი, დაწყებითი განათლების პედაგოგი, ინკლუზიური განათლების სპეციალისტი, ინტერკულტურული განათლების მქონე, განათლების სოციოლოგი და ა.შ. მათაც თავისუფლად შეუძლიათ გაიარონ ტრენინგი და აღმზრდელ პედაგოგად იმუშაონ. ჩვენ 8 საბავშვო ბაღში გვყავს მეთოდისტი და მათაც მოუწევთ ტრენინგის გავლა, ასევე გახანგრძლივებული ჯგუფის აღმზრდელებსაც. ეს ყველაფერი უნდა დამთავრდეს პირველ სექტემბრამდე და უფრო ადრეც. ავტორიზაციას ვერ გაივლის ის ბაღი, ვისაც არ ეყოლება ასეთი პედაგოგები.“

ლელა თევდორაშვილის თქმით, აღმზრდელების გადასამზადებლად ბიუჯეტში თანხა უკვე განსაზღვრულია. როდესაც განათლების სამინისტრო გამოაქვეყნებს პროგრამას, გამოიკვეთება ორგანიზაციები, რომლებიც ტრენინგებს ჩაატარებენ.
„პერსონალმა უნდა შეძლოს, რომ პროგრამის შესაბამისად გაიაროს ტესტირება. ჩვენ მათ ყველანაირად შევუწყობთ ხელს. რაც შეეხება ტრენინგს, შეიძლება ერთ, ან ორ კვირას გაგრძელდეს. ეს პროგრამის მოცულობასა და სირთულეზე იქნება დამოკიდებული. ჩვენ აუცილებლად მოვითხოვთ, რომ ტრენერები ადგილზე ჩამოვიდნენ და სემინარები აქ გამართონ. “

მისივე თქმით, აღმზრდელების კონკურსში პირველ რიგში დასაქმებული კონტინგენტი მიიღებს მონაწილეობას.
„დირექტორების კონკურსში ნებისმიერს შეუძლია მონაწილეობის მიღება, თუკი შესაბამის საკვალიფიკაციო მოთხოვნებს დააკმაყოფილებს. რაც შეეხება აღმზრდელებს, ჯერჯერობით ისინი გადამზადდებიან, ვინც უკვე მუშაობენ. თუ ტესტირებას ვერ გაივლიან და არ ექნებათ დამადასტურებელი სერტიფიკატი, მაშინ გვექნება ვაკანსია. ეს ადამიანები შეიძლება პედაგოგად ვერ გადავიყვანოთ, მაგრამ გააგრძელებენ აღმზრდელად მუშაობას. გარეშე პირს, ვისაც კონკურსში მონაწილეობის სურვილი ექნება, ტრენინგებს ჩვენ არ დავუფინანსებთ, მათ გადამზადება საკუთარი ფინანსებით მოუწევთ. ამის შემდეგ კი, შესაძლებლობა ექნებათ, წარმოდგენილ ვაკანსიაზე განცხადება შემოიტანონ. მაღალი კონკურენციის პირობებში, რა თქმა უნდა, დასაქმდება ის, ვისაც ტრენინგი ექნება გავლილი. “

რაც შეეხება სერტიფიცირებული აღმზრდელ პედაგოგების ხელფასს, ლელა თევდორაშვილის თქმით, მისი ანაზღაურება სტატუსის მიღებისთანავე გაიზრდება. თანხას კი პრემიერ მინისტრი განსაზღვრავს. დანარჩენი ყველა თანამშრომლის ხელფასს გაერთიანება დაადგენს.
გაერთიანების დირექტორის თქმით, საზაფხულო არდადეგებამდე ყველა პროცედურა დასრულებული უნდა იყოს, რადგან ამ პერიოდში ბაღებმა ადგილობრივ თვითმმართველობებს უკვე ავტორიზაციის მოთხოვნით უნდა მიმართონ. პირველ ოქტომბრამდე ავტორიზაციის საკითხიც უნდა გადაწყდეს, წინააღმდეგ შემთხვევაში, ბაღი მუშაობას შეწყვეტს.





Print E-mail
FaceBook Twitter Google
ამავე კატეგორიაში
გამოძიებამ უნდა დადოს მტკიცებულებები, მასალები და არა სუს-მა, შსს-მ
ან პროკურატურამ, - ასე უპასუხა ჟურნალისტების შეკითხვას სუს-ის
უფროსმა ვახტანგ გომელაურმა, თემირლან მაჩალიკაშვილის გარდაცვალების
საქმის გამოძიებასთან დაკავშირებით.
გამოძიებამ უნდა დადოს მტკიცებულებები, მასალები და არა სუს-მა, შსს-მ ან პროკურატურამ, - ასე უპასუხა ჟურნალისტების შეკითხვას სუს-ის უფროსმა ვახტანგ გომელაურმა, თემირლან მაჩალიკაშვილის გარდაცვალების საქმის გამოძიებასთან დაკავშირებით.
16:53 / 18.12.2018
“ვფიქრობ, რომ ორი დღის წინანდელ აქციაზე იყო გარკვეული დარღვევები,
გარკვეულ შემთხვევებში მათ შორის, აქციის მონაწილეების ქმედებებიც
გასცდა მშვიდობიანი გამოხატვისა და შეკრების ფორმებსა და ფარგლებს” –
ამის შესახებ სახალხო დამცველმა ნინო ლომჯარიამ განაცხადა.
“ვფიქრობ, რომ ორი დღის წინანდელ აქციაზე იყო გარკვეული დარღვევები, გარკვეულ შემთხვევებში მათ შორის, აქციის მონაწილეების ქმედებებიც გასცდა მშვიდობიანი გამოხატვისა და შეკრების ფორმებსა და ფარგლებს” – ამის შესახებ სახალხო დამცველმა ნინო ლომჯარიამ განაცხადა.
13:23 / 18.12.2018
გარემოს ეროვნული სააგენტოს ინფორმაციით, 17-20 დეკემბერს დასავლეთ
საქართველოში მოსალოდნელია შედარებით თბილი და უმეტესად უნალექო
ამინდი.
გარემოს ეროვნული სააგენტოს ინფორმაციით, 17-20 დეკემბერს დასავლეთ საქართველოში მოსალოდნელია შედარებით თბილი და უმეტესად უნალექო ამინდი.
12:21 / 18.12.2018
"ერთიანი ნაციონალური მოძრაობის" წევრი დავით კირკიტაძე, რომელიც დაახლოებით ერთი საათის წინ გურჯაანში დააკავეს, სავარაუდოდ კახეთის პოლიციის დეპარტამენტში გადაჰყავთ.
17:47 / 17.12.2018
რამდენიმე წუთის წინ გურჯაანში
რამდენიმე წუთის წინ გურჯაანში "ნაციონალური მოძრაობის" წევრი დავით კირკიტაძე დააკავეს. ის საავადმყოფოში ველისციხის ინცინდენტის დროს მომხდარი ინცინდენტისას დაშავებული აქტივისტის მოსანახულებლად იმყოფებოდა.
17:21 / 17.12.2018
სხვა ამბები
განათლების, მეცნიერების, კულტურისა და სპორტის სამინისტროს 2019 წლის ბიუჯეტი 1 მილიარდ 508,500,0 ლარით განისაზღვრა.
13:35 / 13-12-2018
გურჯაანის ცენტრალურმა ბიბლიოთეკამ წიგნადი ფონდი განაახლა. ამ ეტაპზე 371 წიგნი - ძირითადად მხატვრული და საბავშვო ლიტერატურა შეიძინეს.
13:38 / 12-12-2018
ბაქტერიული ვაგინოზი საშოს ინფექციური დაავადებაა,რომელიც ხასიათდება უხვი თეთრი ან ნაცრისფერი არასასიამოვნო სუნის გამონადენით .ამ დროს არ აღინიშნება საშოს ლორწოვანი გარსის ანთება.ბაქტერიული ვაგინოზის დროს ზიანდება საშოს მიკროფლორა,რომლის 90%-ს შეადგენს ლაქტობაქტერიები(დედერლეინის ჩხირები).
10:56 / 11-12-2018
ნიკო ფიროსმანის გარდაცვალებიდან 100 წლის საიუბილეო თარიღთან დაკავშირებით, განათლების სამინისტრო სკოლის მოსწავლეებისთვის ანიმაციური ვიდეორგოლების კონკურსს – “გაცოცხლებული სურათები” აცხადებს.
14:08 / 03-12-2018
სლოვენიის ქალაქ ბლედში გამართულ ვეტერან მოჭადრაკეთა მსოფლიო ჩემპიონატზე ნონა გაფრინდაშვილმა მსოფლიო ჩემპიონის წოდება მოიპოვა.
17:03 / 30-11-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« დეკემბერი 2018 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.