არჩევნები 2017
შშმ პირებისთვის ადაპტირებული უბნები კახეთის მაჟორიტარულ ოლქებში
36 წლის ნათია ბერძენიშვილი დაბადებიდან შეზღუდული შესაძლებლობების მქონე (შშმ) პირია. „ხელი ხელს“- ასე ჰქვია გურჯაანში მდებარე საოჯახო სათემო ტიპის სახლს, სადაც ის დაახლოებით ხუთი წელია ცხოვრობს.
როგორც თვითონ ამბობს, მოქალაქეობრივ პასუხისმგებლობას გრძნობს, ამიტომ ყოველ არჩევნებზე სასურველი კანდიდატისა თუ პარტიის სასარგებლოდ აკეთებს არჩევანს.

-„რამდენჯერმე მოვითხოვე ყუთი სახლში მოეტანათ, მაგრამ უარი მივიღე. ამიტომ მე თვითონ გურჯაანის #3 საჯარო სკოლაში რომ უბანია, იქამდე მივიდი. შარშან, ბიჭებს ვთხოვე დახმარება და კიბეებზე მათ ამიყვანეს. პანდუსი კი არის, მაგრამ ისეა გაკეთებული, სხვისი დახმარების გარეშე ვერ ვისარგებლებ. ჩემნაირად ბევრი ადამიანია, კარგი იქნება თუ გაითვალისწინებენ ჩვენს მდგომარეობას. ვფიქრობ, არჩევნებში ყველამ უნდა მიიღოს მონაწილეობა, რადგან თითოეული ხმა მნიშვნელოვანია. როცა არჩევნებზე მივდივარ, იმედი მაქვს, ვისაც ვირჩევ, ის მაინც შეძლებს რაღაც შეცვალოს და ჩემთვის ადაპტირებული გარემო შექმნას, მაგრამ სულ ტყუილად, იმედგაცრუება დიდია.“

ცენტრალურ საარჩევნო კომისიაში (ცესკო) შეზღუდული შესაძლებლობების მქონე (შშმ) პირებისთვის თანაბარი საარჩევნო გარემოს ხელშეწყობის მიზნით, შექმნილია სამუშაო ჯგუფი. მის შემადგენლობაში შედიან: ცესკოს წევრები, სტრუქტურული ერთეულების, საერთაშორისო და ადგილობრივი არასამთავრობო ორგანიზაციების, ასევე სახელმწიფო უწყებების წარმომადგენლები.

შშმ პირთა მიმართ განსახორციელებელი საქმიანობები გათვალისწინებულია ცესკო-ს ყოველწლიურ სამოქმედო გეგმაში.
საარჩევნო ადმინისტრაციის ინიციატივით, 2015 წელს ცესკო-ს, ქალაქ თბილისის მუნიციპალიტეტს (მერია), საქართველოს რეგიონული განვითარებისა და ინფრასტრუქტურის სამინისტროს, ასევე საქართველოს განათლებისა და მეცნიერების სამინისტროს შორის გაფორმდა ურთიერთთანამშრომლობის მემორანდუმი.

ხელმომწერმა ინსტიტუციებმა აიღეს ვალდებულებები, რომ საკუთარი კომპეტენციის ფარგლებში უზრუნველყოფენ ინკლუზიური საარჩევნო გარემოს მაქსიმალურ ხელშეწყობას. შეასრულებენ საარჩევნო კოდექსის მოთხოვნას, რომელიც საარჩევნო უბნის მოსაწყობად, ყველა ამომრჩევლისთვის ხელმისაწვდომ შენობა-ნაგებობას ითვალისწინებს. ასეთი შენობა-ნაგებობის არარსებობის შემთხვევაში კი, ზემოთ აღნიშნულ უწყებებს კენჭისყრის დღისთვის ადაპტირების ვალდებულება გააჩნიათ.

ცენტრალური საარჩევნო კომისიის ინფორმაციით, შშმ ამომრჩევლებისთვის კენჭისყრის დღეს ხელმისაწვდომია:

-უსინათლო ამომრჩევლებისთვის – ყველა საარჩევნო უბანზე საარჩევნო ბიულეტენის შესავსები ჩარჩო;
-მცირემხედველი ამომრჩევლებისთვის – ყველა საარჩევნო უბანზე ორი ცალი გამადიდებელი ლინზა;
-ფიზიკური შეზღუდვის მქონე ამომრჩევლებისთვის – ადაპტირებულ საარჩევნო უბნებზე სპეციალური ხმის მიცემის კაბინები;
-ყრუ ამომრჩევლებისთვის – ყველა საარჩევნო უბანზე გამოკრული ხმის მიცემის პროცედურების ამსახველი პოსტერი.

კახეთის საოლქო კომისიებიდან გამოთხოვილი ინფორმაციის საფუძველზე, ირკვევა, რომ ლაგოდეხის მაჟორიტრარულ ოლქში ადაპტირებული 11 უბანია (3 პანდუსი და 8 მარტივი ადაპტაცია), სიღნაღში 12 (5 პანდუსი და 7 მარტივი ადაპტაცია), გურჯაანში- 23 (11 პანდუსი და 12 მარტივი ადაპტაცია), საგარეჯოში 7 (2 პანდუსი და 5 მარტივი ადაპტაცია), დედოფლისწყაროში-8 (3 პანდუსი და 5 მარტივი ადაპტაცია), ყვარელში 9 (7 პანდუსი და 2 მარტივი ადაპტაცია), თელავში 17 (5 პანდუსი და 12 მარტივი ადაპტაცია),ახმეტაში-21(4 პანდუსი და 17 მარტივი ადაპტაცია)

ცენტრალური საარჩევნო კომისიის ინფორმაციით, ადაპტირებული უბნების რაოდენობა ყოველწლიურად იზრდება, თუკი 2012 წელს ასეთი სულ 102 იყო, 2016 წლის საპარლამენტო არჩევნებისთვის ეს რიცხვი 1115-ს შეადგენდა.

ცესკოს ცნობითვე, იმ შემთხვევაში თუ ეტლით მოსარგებლე და ფიზიკური შეზღუდვის მქონე ამომრჩევლები, მიმართავენ საარჩევნო ადმინისტრაციას, ზოგიერთ უბანზე შესაძლებელი იქნება პორტატული (მოძრავი) პანდუსის განთავსება.



სტატია ქვეყნდება პროექტის „გაცნობიერებული არჩევანი–დემოკრატიის ფუნდამეტი“ ფარგლებში.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.

Print E-mail
FaceBook Twitter Google
ამავე კატეგორიაში
#17 თელავის საოლქო საარჩევნო კომისიამ 21 ოქტომბრის ადგილობრივი
თვითმმართველობის არჩევნებისთვის რეგისტრირებული საჩივრები
განიხილა.

#17 თელავის საოლქო საარჩევნო კომისიამ 21 ოქტომბრის ადგილობრივი თვითმმართველობის არჩევნებისთვის რეგისტრირებული საჩივრები განიხილა.

11:11 / 26.10.2017
საქართველოს ახალგაზრდა იურისტთა ასოციაციის (საია) წარმომადგენლებმა,
რომლებიც არჩევნებს კახეთის სამ ოლქში: გურჯაანში, თელავსა და
ყვარელში აკვირდებოდნენ, შესაბამის საოლქო კომისიებში სულ 6 საჩივარი
შეიტანეს, რომლებიც შემაჯამებელ ოქმებს ეხება.
საქართველოს ახალგაზრდა იურისტთა ასოციაციის (საია) წარმომადგენლებმა, რომლებიც არჩევნებს კახეთის სამ ოლქში: გურჯაანში, თელავსა და ყვარელში აკვირდებოდნენ, შესაბამის საოლქო კომისიებში სულ 6 საჩივარი შეიტანეს, რომლებიც შემაჯამებელ ოქმებს ეხება.
17:26 / 23.10.2017
ცენტრალური საარჩევნო კომისიის მიერ გამოქვეყნებული წინასწარი
მონაცემებით, უმეტეს მაჟორიტარულ ოლქში, საკრებულოს მაჟორიტარი
დეპუტატები
ცენტრალური საარჩევნო კომისიის მიერ გამოქვეყნებული წინასწარი მონაცემებით, უმეტეს მაჟორიტარულ ოლქში, საკრებულოს მაჟორიტარი დეპუტატები "ქართული ოცნების" კანდიდატები იქნებიან.
16:55 / 23.10.2017
კახეთის საოლქო კომისიებში სულ 24 საჩივარი დაიწერა, ყველა მათგანი
პროცედურულ დარღვევებს ეხება. საოლქო კომისიების ნაწილმა საჩივრები
უკვე განიხილა და გადაწყვეტილებაც მიიღო.
კახეთის საოლქო კომისიებში სულ 24 საჩივარი დაიწერა, ყველა მათგანი პროცედურულ დარღვევებს ეხება. საოლქო კომისიების ნაწილმა საჩივრები უკვე განიხილა და გადაწყვეტილებაც მიიღო.
15:59 / 23.10.2017
კახეთის საარჩევნო ოლქების მიხედვით, ოპოციზიური პარტიების მაჟორიტარი
დეპუტატობის სულ 11-მა კანდიდატმა გაიმარჯვა. ცენტრალური საარჩევნო
კომისიის ვებ-გვერდზე განთავსებული მონაცემების მიხედვით შედეგები
შემდეგნაირად გამოიყურება:
კახეთის საარჩევნო ოლქების მიხედვით, ოპოციზიური პარტიების მაჟორიტარი დეპუტატობის სულ 11-მა კანდიდატმა გაიმარჯვა. ცენტრალური საარჩევნო კომისიის ვებ-გვერდზე განთავსებული მონაცემების მიხედვით შედეგები შემდეგნაირად გამოიყურება:
11:20 / 23.10.2017
სხვა ამბები
საბაზო-საშუალო საფეხურის მოსწავლეებისთვის, გაცდენების ექსტერნი გამოცდების განრიგი განისაზღვრა. განათლებისა და მეცნიერების სამინისტროს ინფორმაციით, საუბარია მე–7, მე–8, მე–9, მე–10, მე–11 კლასის მოსწავლეებზე.
11:42 / 14-06-2018
მე–11 კლასის მოსწავლეებისთვის 2018 წლის საატესტატო გამოცდები გუშინ გეოგრაფიით დაიწყო.
16:42 / 13-06-2018
2018 წელს საატესტატო გამოცდაზე გასულ მოსწავლეებს, სრული ზოგადი განათლების დამადასტურებელი დოკუმენტის აღება 25 ივნისიდან შეუძლიათ.
16:29 / 12-06-2018
წნორში გამართულ კიკბოქსინგის კახეთის რეგიონალურ ჩემპიონატზე გურჯაანელმა სპორტსმენებმა ხუთი ოქროს მედალი აიღეს.
17:37 / 07-06-2018
აჭარაში ცურვის ოთხ სახეობაში ბატერფლაი, ბრასი, კროლსი და დელფინი, აჭარის ღია პირველობა ჩატარდა.
18:34 / 04-06-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« ივნისი 2018 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.