საზოგადოება
ეთნიკური უმცირესობებისა და ქართველი მუსლიმების პრობლემები - შეხვედრა თელავში
27 ივნისს ქალაქ თელავის დემოკრატიული ჩართულობის ცენტრში არასამთავრობო ორგანიზაციებმა, „პლატფორმა სალამ“, „სოლიდარობის თემმა“ და „ახალგაზრდები დემოკრატიული ცვლილებებისთვის“ სოლიდარობის ტურის ფარგლებში შეხვედრა გამართეს.
შეხვედრის მთავარი მიზანი იყო ეთნიკური უმცირესობებისა და ქართველი მუსლიმების წინაშე არსებული პრობლემებისა და გამოწვევების შესახებ დომინანტურ საზოგადოებაში ცნობიერების დონის ამაღლება.

არასამთავრობო ორგანიზაცია „პლატფორმა სალამის“ წევრი აიჰან ჰასანლი SPEQTRI.GE-სთან საუბარში აღნიშნავს, რომ პროექტის ფარგლებში შეხვედრები უკვე გაიმართა ზუგდიდსა და ქუთაისში, თელავი იყო მესამე მუნიციპალიტეტი.
„შეხვედრებზე ვსაუბრობთ ჩვენს პრობლემებსა და საჭიროებებზე, ასევე ვსაუბრობთ სხვადასხვა მნიშვნელოვან თემაზე. ვეცნობით მუნიციპალიტეტების მოსახლეობას.

მარნეულში გვექნება მასშტაბური დასკვნითი შეხვედრა. ღონისძიებას დანარჩენი შვიდი მუნიციპალიტეტიდან შერჩეული სტუმრები დაესწრებიან,“ - ამბობს აიჰან ჰასანლი.

შეხვედრაზე განხილული ერთ-ერთი პრობლემა იყო ეთნიკური უმცირესობების ინტეგრაციის საკითხი.
„ჩვენ ვამბობთ, რომ ინტეგრაციის პროცესი ჯერ არც დაწყებულა, რადგან ის აუცილებელი პირობები, რომლებიც ქმნის რეალურ ინტეგრაციას - ენის პოლიტიკა, განათლების პოლიტიკა, კულტურის პოლიტიკა, საჯარო სექტორში დასაქმების საკითხი, საჯარო სერვისებზე ხელმისაწვდომობა, ჯერ არ არსებობს,“ - განმარტავს აიჰანი.

მისივე თქმით, განსხვავებული პრობლემები აქვთ საქართველოში მცხოვრებ ეთნიკურ აზერბაიჯანელებს, სომხებსა და ასევე ქართველ მუსლიმებსაც.

„ეთნიკურად აზერბაიჯანელების შემთხვევაში, ძირითადი პრობლემებია საჯარო სერვისებზე ხელმისაწვდომობა, საჯარო სექტორში დასაქმება, განათლების სისტემაში არსებული პრობლემები - სტატისტიკის მიხედვით, ეთნიკური უმცირესობებით დასახლებულ რეგიონებში საბავშვო ბაღების რაოდენობა სამჯერ ნაკლებია, საქართველოს დანარჩენ რეგიონებთან შედარებით.

სკოლებში არის პროფესიონალური კადრების დეფიციტი, ქართულ ენას სრულყოფილად არავინ ასწავლის, სკოლების უმრავლესობა ავარიულ მდგომარეობაშია, სახელმძღვანელოები არ არის სრულყოფილად ნათარგმნი, არ იბეჭდება საქართველოში, ჩამოაქვთ მეზობელი ქვეყნებიდან, ქართული ენის სწავლა ფასიანია, რაც არის პირდაპირი დისკრიმინაცია და ხელს უშლის [ეთნიკურ უმცირესობებს] სახელმწიფო ენის სწავლაში. 1+4 პროგრამის ფარგლებში, ქართული ენის მოსამზადებელი კურსის ღირებულება 2250 ლარს შეადგენს.

გარდა ამისა, ერთ-ერთი მნიშვნელოვანი პრობლემაა ჩვენი გვარების საკითხი - დღევანდელი კანონმდებლობა არ გვაძლევს საშუალებას, დავიბრუნოთ ჩვენი ავთენტური გვარები,“ - აცხადებს ჩვენთან საუბარში აიჰან ჰასანლი.

განსხვავებული პრობლემები აქვს საქართველოში მცხოვრებ სომხურ თემს. მათ შორისაა, საქართველოს მოქალაქეობის მიღების საკითხი.

აიჰან ჰასანლის განმარტებით, იმ სომეხ მოსახლეობას, რომელიც საქართველოდან მეზობელ ქვეყნებში სამუშაოდ იყო წასული, საქართველოში დაბრუნების შემდეგ, მოქალაქეობის მიღებასთან დაკავშირებით პრობლემები შეექმნა, რადგან ქვეყანაში 2013 წელს „მოქალაქეობის შესახებ“ ახალი კანონი მიიღეს. ამ დოკუმენტის შესაბამისად, საჭირო გახდა ქართული ენის გამოცდის ჩაბარება.

„იქიდან გამომდინარე, რომ ეთნიკურად სომეხი მოსახლეობის უმრავლესობა ასაკოვანია, ვერ აბარებენ შესაბამის გამოცდას და ვერ იბრუნებენ საქართველოს მოქალაქეობას,“ - გვეუბნება აიჰანი.

ქართველი მუსლიმებისთვის უდიდეს პრობლემას მეჩეთების მშენებლობა წარმოადგენს. პლატფორმა სალამი მიიჩნევს, რომ მართალია, ამ კუთხით, კანონმდებლობაში არანაირი პრობლემა არ არსებობს, თუმცა, ასევე არ არსებობს პოლიტიკური ნება, თუნდაც, კერძო ტერიტორიაზე, საკუთარი ხარჯით ააშენონ მეჩეთი.

„ქართველი მუსლიმების თემმა ორი სასამართლო პროცესი მოიგო. პირველი სასამართლო დავა ეხებოდა ბათუმის მუნიციპალიტეტის მერიის მხრიდან მეჩეთის მშენებლობისთვის ნებართვის არგაცემას. სასამართლომ მუნიციპალიტეტის პოზიცია დისკრიმინაციულად შეაფასა.

კიდევ ერთი პრობლემაა ქართველი მუსლიმების კულტურისა და ტრადიციების არაღიარების საკითხი. მაგალითად, არსებობს უამრავი მეჩეთი, რომელიც აშენებულია ორი და მეტი საუკუნის წინ, თუმცა კულტურის სამინისტრო და დღევანდელი კულტურის პოლიტიკა არ აღიარებს მათ. არცერთ მუზეუმში ხულოსა თუ აჭარაში არ არსებობს ქართველი მუსლიმების კულტურასთან დაკავშირებული ინფორმაცია.
აღსანიშნავია, ქართველი მუსლიმების ინტეგრაციის პრობლემაც. ხშირად ისინი დისკრიმინაციის მსხვერპლებიც არიან,“ - ამბობს აიჰან ჰასანლი.

მისივე შეფასებით, მსგავსი სახის შეხვედრები მეტად მნიშვნელოვანია იმისთვის, რომ საზოგადოებამ გაიგოს ჩვენს ქვეყანაში მცხოვრები ეთნიკური უმცირესობებისა და ქართველი მუსლიმი თემის საჭიროებები და პრობლემები.

„მაგალითად, როდესაც ჩვენ ვსაუბრობთ იმაზე, რომ ეთნიკურ უმცირესობებში არსებობს ენის პრობლემა, დომინანტური საზოგადოება მოგვიწოდებს, რომ ვისწავლოთ ქართული ენა. ჩვენ მათ ვუხსნით, ის, რომ არ ვიცით ქართული ენა, არა ჩვენი, არამედ განათლების სისტემის პრობლემაა, რადგან გვინდა ქართული ენის სწავლა, თუმცა არ გვაქვს შესაბამისი პირობები.

ენის საკითხთან მიმართებით, ჩვენი მიდგომა არის ასეთი, რომ ეთნიკური უმცირესობების წარმომადგენლებმა არ უნდა ისწავლონ სახელმწიფო ენა მშობლიური ენის ფასად.

დღევანდელი საქართველოს რეალობაში, ის ახალგაზრდები, რომლებიც საკუთარი მშობლიური ენის ხარჯზე, სწავლობენ ქართულ ენას და დადიან სხვადასხვა ქართულ სკოლაში, სრულყოფილ განათლებას ვერ იღებენ, ვერ სწავლობენ თავის მშობლიურ ენას, საუბარიც კი უჭირთ შემდგომ. განათლების სისტემამ და სახელმწიფომ უნდა შეძლოს ეთნიკური უმცირესობებისთვის ორივე ენაზე სრულყოფილი, ხარისხიანი განათლების მიწოდება,“ - ამბობს აიჰან ჰასანლი.

მისივე თქმით, სოლიდარობის ტურის ფარგლებში ამ ტიპის შეხვედრები ჩატარდება სულ 8 მუნიციპალიტეტში. თელავის შემდეგ შეხვედრები გაიმართება მესტიაში, ბათუმში, ნინოწმინდაში, ხულოსა და მარნეულის მუნიციპალიტეტში.

| Print |  E-mail
FaceBook Twitter Google
ამავე კატეგორიაში
საქართველოს სტრატეგიული კვლევებისა და განვითარების ცენტრმა (CSRDG)
სოციალური მეწარმეობის ახალგაზრდა ელჩები, საქართველოს 6 რეგიონში
შეარჩია. მათ, თანამოაზრეებთან ერთად, სოციალური მეწარმეობით
დაინტერესებული ადგილობრივი ახალგაზრდებისთვის სხვადასხვა აქტივობის
განხორციელების შესაძლებლობა მიეცათ.
საქართველოს სტრატეგიული კვლევებისა და განვითარების ცენტრმა (CSRDG) სოციალური მეწარმეობის ახალგაზრდა ელჩები, საქართველოს 6 რეგიონში შეარჩია. მათ, თანამოაზრეებთან ერთად, სოციალური მეწარმეობით დაინტერესებული ადგილობრივი ახალგაზრდებისთვის სხვადასხვა აქტივობის განხორციელების შესაძლებლობა მიეცათ.
17:04 / 29.09.2023
საქართველოს პრემიერ-მინისტრის, ირაკლი ღარიბაშვილის განცხადებით,
2024 წლის ბიუჯეტით პენსიების ზრდაა დაგეგმილი.
საქართველოს პრემიერ-მინისტრის, ირაკლი ღარიბაშვილის განცხადებით, 2024 წლის ბიუჯეტით პენსიების ზრდაა დაგეგმილი.
15:24 / 29.09.2023
დღეს სოხუმის დაცემიდან 30 წელი გავიდა. ამ დღესთან დაკავშირებით და
აფხაზეთის ომში დაღუპულთა ხსოვნის პატივის მიგების მიზნით, სახელმწიფო
დროშა დაეშვა საქართველოს მთელ ტერიტორიაზე, ყველა ადმინისტრაციულ
შენობაზე.
დღეს სოხუმის დაცემიდან 30 წელი გავიდა. ამ დღესთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, სახელმწიფო დროშა დაეშვა საქართველოს მთელ ტერიტორიაზე, ყველა ადმინისტრაციულ შენობაზე.
11:04 / 27.09.2023
26-28 სექტემბერს, ახალგაზრდა ევროპელი ელჩები (YEAs) საქართველოდან
და ევროკავშირიდან დასავლეთ საქართველოში ღონისძიებების კვირეულს
გამართავენ. ინიციატივის მიზანი ევროკავშირსა და საქართველოს შორის
თანამშრომლობის შედეგების წარმოჩენა და გზავნილის, „მეტი ევროკავშირი
საქართველოში“ (More EU in Georgia), მნიშვნელობის გამოკვეთაა.
26-28 სექტემბერს, ახალგაზრდა ევროპელი ელჩები (YEAs) საქართველოდან და ევროკავშირიდან დასავლეთ საქართველოში ღონისძიებების კვირეულს გამართავენ. ინიციატივის მიზანი ევროკავშირსა და საქართველოს შორის თანამშრომლობის შედეგების წარმოჩენა და გზავნილის, „მეტი ევროკავშირი საქართველოში“ (More EU in Georgia), მნიშვნელობის გამოკვეთაა.
10:21 / 27.09.2023
სამართალი
ნადირობის სეზონის დაწყებიდან (19 აგვისტო) 31 აგვისტოს ჩათვლით ქვეყნის მასშტაბით უკანონო ნადირობის 97 ფაქტი გამოვლინდა. მათგან კახეთში 7 ფაქტი დაფიქსირდა.
11:30 / 05-09-2023
გურჯაანის მუნიციპალიტეტის სოფელ ვეჯინში 40 წლამდე ასაკის მამაკაცი თანასოფლელმა ცეცხლსასროლი იარაღით მოკლა.
12:06 / 04-09-2023
სოფლებში, ანთოკსა და მარიამჯვარში წყალმომარაგების სისტემის მოწყობის სამუშაოების დასრულდა.
15:32 / 27-07-2023
ეკონომიკა
გურჯაანის მუნიციპალიტეტის სოფელ ჯიმითში საბავშვო და სპორტული მოედნები (სატრენაჟორო სივრცე) მოეწყობა. უკვე გამოვლენილია ტენდერში გამარჯვებული კომპანია.
12:27 / 29-09-2023
გურჯაანის ღვინის ფესტივალისთვის დაგეგმილი ღონისძიების ორგანიზებაზე შპს „სივრცე“ იზრუნებს. კომპანია განმეორებით გამოცხადებული ტენდერის ერთადერი მონაწილე იყო.
11:08 / 26-09-2023
სხვა ამბები
გურჯაანის N12 ოლქში 17 საათისთვის ამომრჩეველთა საშუალო აქტივობა დაფიქსირდა. 50234 ამომრჩევლიდან კენჭისყრაში მონაწილეობა მიიღო 13442-მა ამომრჩეველმა, რაც საერთო რაოდენობის 26.76%-ია.
18:20 / 01-10-2023
საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტების კითხვის საპასუხოდ განაცხადა, რომ ის მინიმალური ნდობა, რომელიც შენარჩუნებული იყო პრეზიდენტსა და პრემიერს შორის, დაკარგულია.
17:09 / 28-09-2023
საგარეჯოს მუნიციპალიტეტის მერის, ავთანდილ გულიკაშვილის გადაწყვეტილებით მიმდინარე წელს ეროვნულ გამოცდებში საუკეთესო შედეგის - 100%-იანი, 70%-იანი და 50%-იანი გრანტის მქონე აბიტურიენტები დაასაჩუქრეს. მათ ერთჯერადი ფულადი ვაუჩერი და სიმბოლური საჩუქრები გადაეცათ.
12:29 / 19-09-2023
საარჩევნო ადმინისტრაცია ამომრჩევლებს შეთავაზებულ ზოგიერთ სერვისსა და ვადებს შეახსენებს. ამასთან დაკავშირებით დღეს ცენტრალურ საარჩევნო კომისიაში (ცესკო) საინფორმაციო ბრიფინგი გაიმართა.
16:51 / 16-09-2023
„ჩემთვის ეს საკმაოდ რთული აღმოჩნდა, რადგან ბოლო 10 წელი სწავლასთან შეხება აღარ მქონია, წარსულში კი განათლება სრულიად სხვა სფეროში მივიღე“, — ამბობს ოლექსანდრა ლისა უკრაინიდან. EU4Youth პროგრამის დახმარებით, მან წელს პოლონეთის დედაქალაქ ვარშავაში მდებარე ნატოლინის ევროპის კოლეჯი დაამთავრა.
15:42 / 16-09-2023
გურჯაანელმა სპორტსმენებმა, ყაზახეთში გამართულ მკლავჭიდის მსოფლიო ჩემპიონატზე, - 3 ოქროს, 2 ვერცხლის და 2 ბრინჯაოს მედალი მოიპოვეს.
15:08 / 12-09-2023
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 3 / 11 °C
img
საგარეჯო 0 / 0 °C
img
დ.წყარო 3 / 6 °C
img
სიღნაღი 0 / 0 °C
img
ლაგოდეხი 4 / 8 °C
img
ყვარელი 3 / 11 °C
img
თელავი 3 / 9 °C
img
ახმეტა 2 / 9 °C
img
კალენდარი
«« ნოემბერი 2023 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.