დღეს კორონავირუსთან დაკავშირებით გამართულ სპეციალურ ბრიფინგზე დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსმა, ხათუნა ზახაშვილმა თვითიზოლაციაში მყოფი პირებისთვის ის 11 წესი გასცა, რომლეთა დაცვაც აუცილებელია. მისივე თქმით, თვითიზოლაციაში ყოფნა განესაზღვრება ისეთ პირებს, რომლებიც არიან ინფექციის მაღალი გავრცელების არეალიდან დაბრუნებულები, ასევე დადასტურების შემთხვევასთან ახლოს მყოფ პირებს ჩამოსვლიდან ან ამ კონტაქტიდან შემდეგი 14 დღის მანძილზე.



1. დარჩნენთ სახლში. არ იარონ სკოლებში, სამსახურებში, საზოგადოებრივი თავშეყრის ადგილებში, არ გადაადგილდნენ საზოგადოებრივი ტრანსპორტით. 14 დღის მანძილზე ის საჭიროებები, მაგალითად მედიკამენტების ყიდვა უნდა უზრუნველყონ დამხმარე ადამიანებმა. ან გააკეთონ ინტერნეტშეკვეთა და მიუთითონ, რომ ეს ნივთები დატოვონ კართან.

2. შეზღუდონ კონტაქტები მათთან ერთად მცხოვრებ ადამიანებთან და იყ~ანენ განცალკევებულ საძინებელში. ეცადონ რაც შეიძლება იშვიათად გამოვიდნენ ოთახიდან. საერთო სივრცეების გაზიარებისას აუცილებლად გამოიყენონ ნიღაბი.

3. თუ იზოლაციაში მყოფ ადამიანს დასჭირდა სამედიცინო დახმარება რაიმე სხვა მიზეზით, ის წინასწარ უნდა დაუკავშირდეს თავის პროვაიდერს, ან იმ ექიმს, ვისთანაც აპირებს ვიზიტს, გააფრთხილოს თავისი მოგზაურობის ისტორიის შესახებ და იქ მისვლისას გამოიყენოს ნიღაბი.

4. გამოიყენონ ნიღაბი მითითების შესაბამისად. განსაკუთრებით მაშინ, როდესაც უწევთ საერთო სივრცეებში გასვლა, თუნდაც ოჯახის სხვა წევრებთან.

5.დაიცვან ხველისა და ცემინების ეტიკეტი - ცხვირზე აიფარონ ერთდჯერადი ცხვირსახოცი, რომელიც გამოყენების შემდეგ უნდა გადააგდონ უსაფრთხოდ.

6. ცემინების, ხველის, ხელის დაბინძურების, საკვების მიღების, ტუალეტის გამოყენების შემდეგ, აუცილებლად დაიბანონ ხელები საპნითა და გამდინარე წყლით.

7. არ გამოიყენონ საზიარო საყოფაცხოვრებო საგნები სხვა ადამიანებთან ერთად. იზოლაციაში მყოფს უნდა ჰქონდეს თავისთვის გამოყოფილი თეფში, ჭიქა, ჩანგალი, კოვზი და ა.შ. რომელიც უნდა გარეცხონ განცალკევებით.

8. დააკვირდნენ თავიანთ ჯანმრთელობის მდგომარეობასა და სიმპტომებს და იმ შემთხვევაში თუ მათი ჯანმრთელობის მდგომარეობის გაუარესება შეიმჩნევა, აქვთ ტემპერატურის მატყება, დაეწყოთ ხველა ან სუნთქვის გართულება, სასწრაფოდ უნდა დაუკავშირდნენ საკონტაქტო პირებს, რათა მოხდეს შემდგომი სამედიცინო დახმარების აღმოჩენა.

9. ნუ მიიღებენ ამ პერიოდში სტუმრებს, თუ რაიმე სასწრაფო საქმეა უცხო ადამინათან, რომელიც არ არის ოჯახის წევრი, მაქსიმალურად უნდა ეცადონ ეს მოახერხონ სატელეფონო ან სხვა ტიპის კავშირით.

10. თუ ჰყავთ შინაური ცხოველებინ ეცადონ მათთან კონტაქტი შეზღუდონ ან თუ იძულებული ხართიქნებიან ჰქონდეთ კონტაქტი, აუცილებლად დაიბანონ ხელი მანამდე და შემდეგ.

11. გამოყენებული ერთჯერადი ცხვირსახოცები, ნიღბები მოათავსონ ცელოფნის პარკში, რომელსაც გადაეკვრება თავი, შემდეგ ისევ უნდა მოთავსდეს განმეორებით პარკში, ამასაც გადაეკვრება თავი და მხოლოდ ამის შემდეგ შეიძლება განადგურდეს საერთო საყოფაცხოვრო ნარჩენებთან ერთად. ასეთ პარკში არ მოათავსოთ საკვების ნარჩენები.

ხათუნა ზახაშვილის თქმით, თვითიზოლაციაში მყოფი პირების მხრიდან ამ წესების დაცვა ხელს შეუწყობს, რომ ვირუსის გავრცელების რისკი მინიმუმამდე შემცირდეს.