გარემოს დაცვისა და სოფლის მეურნეობის სამინისტროს გარემოსდაცვითი
ზედამხედველობის დეპარტამენტის ინფორმაციით, კახეთში ხე-ტყის უკანონო
მოპოვება-ტრანსპორტირების 14 ფაქტი გამოავლინდა, რაც ჯამში, 44,5
კუბური მეტრი მოცულობის საშეშე მასალას მოიცავს.
„მოქალაქეებმა უკანონოდ მოპოვებული წიფლის, რცხილის, ლიფანისა და
მუხის ხე-მცენარეებისგან დაამზადეს, ჯამში, 44,5 კუბური მეტრი
მოცულობის საშეშე მასალა და მის ტრანსპორტირებას ახორციელებდნენ; ერთ
სამართალდამრღვევს კი, ავტომანქანის ძარაზე, უკანონოდ მოპოვებული
ვერხვის სახეობის 9 ერთეული მორი ჰქონდა განთავსებული.
ავტოსატრანსპორტო საშუალებები და უკანონოდ მოპოვებული ხე-ტყე დაილუქა.
სამართალდამრღცევების მიმართ შედგა შესაბამისი დოკუმენტაცია.
მასალები, შესაბამის უწყებებში გადაიგზავნა.“ - აღნიშნავენ
დეპარტამენტში.
გამოვლენილი შემთხვევებიდან ყველაზე მეტი სამართალდარღვევა საგარეჯოს
მუნიციპალიტეტში დაფიქსრდა, ყველაზე ნაკლები კი - სიღნაღში.
გარემოსდაცვითი ზედამხედველობის დეპარტამენტის ინფორმაციით, 5
სამართალდარღვევაა გამოვლენილი საგარეჯოს მუნიციპალიტეტში, 3-3 ფაქტი
- ახმეტისა და ყვარლის მუნიციპალიტეტებში; 2- ლაგოდეხის, 1 კი -
სიღნაღის მუნიციპალიტეტში.
მასალის გამოყენების პირობები