თეგი : დავით სონღულაშვილი
სტატიები
Რა ცვლილებებია გურჯაანის მე-4 საჯარო სკოლის სასწავლო პროგრამაში
Რა ცვლილებებია გურჯაანის მე-4 საჯარო სკოლის სასწავლო პროგრამაში
ქალაქ გურჯაანის მეოთხე საჯარო სკოლაში გაძლიერდა ფიზიკა-მათემატიკური და STEM-ის (მეცნიერება, ტექნოლოგიები, ინჟინერია და მათემატიკა) მიმართულების საგნების სწავლება. Სკოლამ უკვე დაიწყო ახალი პროგრამის მიხედვით მუშაობა. აღნიშნულთან დაკავშირებით, მეოთხე საჯარო სკოლის დირექტორს, ნინო ნონეშვილს ვესაუბრეთ.
სრულად
დავით სონღულაშვილი: ახლა, სწრაფი ნაბიჯების და ეფექტური ქმედებების დროა
დავით სონღულაშვილი: ახლა, სწრაფი ნაბიჯების და ეფექტური ქმედებების დროა
საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ დავით სონღულაშვილმა ეკონომიკური განვითარებისა და სოციალური პოლიტიკის გაუმჯობესების მიმართულებით მთავრობის მიერ დაგეგმილი ინიციატივების თაობაზე ისაუბრა.
სრულად
დავით სონღულაშვილი: ეკონომიკა გარემოს დაცვისთვის უნდა იყოს შესაძლებლობა და არა გამოწვევა
დავით სონღულაშვილი: ეკონომიკა გარემოს დაცვისთვის უნდა იყოს შესაძლებლობა და არა გამოწვევა
საქართველოს გარემოს დაცვისა და სოფლის მეურნეობის სამინისტროსა და სბმკ „ორქისი“-ს ერთობლივი ძალისხმევით, შვედეთის მთავრობის მიერ დაფინანსებული ცირკულარული ეკონომიკის პროგრამის ფარგლებში, ცირკულარული ეკონომიკისადმი მიძღვნილი მე-5 კონფერენცია გაიმართა.
სრულად
დავით სონღულაშვილი: დღეს, ყველაზე დიდი ინოვაციები კომპიუტერულ ინჟინერიაში ხდება
დავით სონღულაშვილი: დღეს, ყველაზე დიდი ინოვაციები კომპიუტერულ ინჟინერიაში ხდება
საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ დავით სონღულაშვილმა ივანე ჯავახიშვილის სახელობის თბილისის სახელმწიფო უნივერსიტეტის მე-6 საერთაშორისო სამეცნიერო კონფერენციაში მიიღო მონაწილეობა, რომლის მთავარ თემასაც წელს „გლობალიზაციის გამოწვევები ეკონომიკასა და ბიზნესში“ წარმოადგენდა.

პარლამენტის წევრი თავის გამოსვლაში რამდენიმე მნიშვნელოვან საკითხს შეეხო და ისაუბრა, როგორც ბლოკჩეინ პლატფორმებისა და თანამედროვე ტექნოლოგიების შესახებ, ასევე კლიმატის ცვლილებებზე, ეროვნულ ინოვაციურ სისტემასა და პანდემიაზე.

„დღეის მდგომარეობით, ბლოქჩეინ ტექნოლოგიაზე დაფუძნებულ პროდუქტებს, დაახლოებით 200 მლნ ადამიანი იყენებს, რაც ინტერნეტის გამოყენებას რომ შევადაროთ დაახლოებით 1997 წელია. არსებული პროგნოზებით, 2024-ში კრიპტო ტექნოლოგიების გამოყენება 1 მილიარდს, ხოლო 2030-ში 4 მილიარდს გაცდება. ამიტომ, ვფიქრობ, დღეს, ყველაზე დიდი ინოვაციები კომპიუტერულ ინჟინერიაში ხდება და შესაბამისად, ეს სექტორი ყველაზე სწრაფად იზრდება. დამწყები ბიზნესმენებისა და ინვესტორებისთვის რთულია არსებულ ტრადიციულ ინდუსტრიებში (მშენებლობა, წარმოება, საბანკო სფერო და ა.შ.) თავის დამკვიდრება. გადაჯერებული ბაზარი, დიდი კონკურენცია და უამრავი ხელოვნური, თუ ბუნებრივი ბარიერი. ამ ტრადიციული ბიზნესმენების მმართველების დიდი უმეტესობა კი არ ფლობს ინფორმაციას რა ხდება კრიპტო სამყაროში და რამდენი შესაძლებლობა არსებობს. აქედან გამომდინარე, ვფიქრობ, ერთ-ერთი დიდი გამოწვევა სწორედ ბლოკჩეინ პლატფორმები იქნება, რომელმაც შეიძლება ფულადი ერთეული ჩაანაცვლოს, ნაწილობრივ მაინც. მაგალითისთვის, თქვენთვის ცნობილია, რომ ეროვნული ბანკი ელექტრონულ ლარზე მუშაობის პროცესში, საკმაოდ წინ არის უკვე წასული. ისეთი პატარა ქვეყნებისთვის და მათი მცირე ეკონომიკებისთვის, როგორიც საქართველოა, შეიძლება საუკეთესო შესაძლებლობა აღმოჩნდეს და ეკონომიკის ზრდის ერთ-ერთ წყაროდ იქცეს, თუნდაც არა ჩანაცვლებადი აქტივები - იგივე NFT (ციფრული აქტივი, რომელსაც კრიპტოგრაფიულად მინიჭებული აქვს უნიკალური კოდი და დაბეჭდილია რომელიმე ბლოკჩეინ პლატფორმაზე), რომელიც უნიკალური ვაჭრობის ერთ-ერთი საშუალებაა,“ - აღნიშნა პარლამენტის წევრმა.

დავით სონღულაშვილმა, კლიმატის ცვლილებასა და 2030 წლისთვის ევროკავშირის გადაწყვეტილების შესახებაც ისაუბრა, რომელიც ნახშირორჟანგის CO2 და ნახშირჟანგის CO-ის გამოყოფის 37,5%-ით შემცირებას გულისხმობს.

„ჩვენ ვიცით, რომ ევროკავშირმა 2030 წლისთვის ნახშირორჟანგის CO2 და ნახშირჟანგის CO-ის გამოყოფის 37,5%-ით შემცირების გადაწყვეტილება მიიღო. ამ ნაწილში, ვფიქრობ განსაკუთრებული ყურადღება უნდა დავუთმოთ ნახშირბადის ემისიის პრობლემას, რომელიც საქონლისა და მომსახურების წარმოებისთვის თანმდევი პროდუქტია. კვლევები აჩვენებს, რომ ნახშირბადის გადასახადები (ე.წ. კარბონ ტაქსი) ეფექტურად ამცირებს ემისიებს და პარალელურად, ეკონომისტების ნაწილი თვლის, რომ ნახშირბადის გადასახადები ყველაზე ეფექტური (დაბალი ღირებულების) გზაა კლიმატის ცვლილების შესაჩერებლად. თავისთავად, ნახშირბადის გადასახადები, როგორც წესი, რეგრესიულია, ვინაიდან დაბალი შემოსავლის მქონე შინამეურნეობები თავიანთი შემოსავლის დიდ ნაწილს ხარჯავენ ემისიებით მძიმე საქონელსა და მომსახურებაზე, ვიდრე უფრო მაღალი შემოსავლის მქონე ოჯახები. მაგრამ, მიუხედავად იმისა, რომ აღნიშნული პროცესების გამო, ეკონომიკის შენელების რისკი იზრდება, ჩვენთვის ეს ახალი შესაძლებლობების წყარო უნდა გახდეს. ახალი შესაძლებლობები იქნება განსაკუთრებით ისეთი ქვეყნებისთვის, როგორიც საქართველოა, რადგან ჩვენს ქვეყანას მწვანე ეკონომიკის დიდი პოტენციალი აქვს, რაც ზრდის იმის ალბათობას რომ გახდეს მწვანე ენერგიისა და მწვანე პროდუქციის ექსპორტიორი. უდიდესი შესაძლებლობები გვაქვს როგორც ჰიდროენერგეტიკის, ასევე მზისა და ქარის ენერგიის მეშვეობით მწვანე პროდუქციის გამოშვების, რაც საბოლოო ჯამში კარბონ ფრი ანუ ნახშირბადისგან თავისუფალი პროდუქციის ევროპის ბაზარზე მიწოდებას გულისხმობს. ეს კი უკვე ახალ კონკურენტულ უპირატესობას სძენს საქართველოში წარმოებულ პროდუქციას. ამ მიმართულებით არსებობს თითქმის თავისუფალი ნიშა, რომელიც არ გამორჩენიათ უმსხვილეს იაპონურ კორპორაციებს და ეს ნიშა აბსოლუტურად სუფთა, ე.წ. მწვანე წყალბადია. დასავლური და იაპონური კომპანიები ნავთობპროდუქტების ჩანაცვლების ახალ გზებზე ფიქრობენ და ჩვენ შეგვიძლია ფართო პლატფორმა შევთავაზოთ მწვანე წყალბადის საქართველოში წარმოების და მისი ექსპორტის სახით. მითუმეტეს მაშინ, როცა თავისუფალი ვაჭრობის ხელშეკრულებები გვაქვს ევროპასთან, ჩინეთთან და ბევრ სხვა ქვეყანასთან,“ - განაცხადა კომიტეტის თავმჯდომარემ.

გარდა ამისა, კონფერენციაზე, პარლამენტის წევრის მხრიდან გაჟღერდა ეროვნული ინოვაციური სისტემის შესახებ მისი მოსაზრება და პანდემიის გავლენა ეკონომიკაზე, ბოლო 2 წლის განმავლობაში. როგორც თავად დეპუტატი აღნიშნავს „საჭიროა, როგორც მიწოდების ღირებულებათა ჯაჭვისა და ღირებულებათა ქსელის დიფერენცირება, აგრეთვე უსაფრთხოების მეტი სტანდარტისა და ნიშნულის შემოტანა ეკონომიკის მართვის საკითხებში“.

„საკითხს, რომელსაც უნდა ჩემი გამოსვლის დასკვნით ნაწილში, არაერთხელ განხილულა თბილისის სახელმწიფო უნივერსიტეტის კედლებში. ეს ეროვნული ინოვაციური სისტემაა, რომლის ჩამოყალიბებისთვის არ კმარა მხოლოდ უნივერსიტეტის, მხოლოდ აკადემიურ წრეებში ასეთი, თითქოს თეორიული დისკუსიების წარმართვა. სამმაგი სპირალის კონცეფციის გამოყენება, რომელიც აღწერს სამი ინსტიტუტის (უნივერსიტეტები – სახელმწიფო – ბიზნესი) ურთიერთზემოქმედებას ინოვაციური პროდუქტის შექმნის ყველა ეტაპზე თავის თავზე სწორედ უნივერსიტეტებმა უნდა იტვირთონ და ლიდერისა და ბიძგის მიმცემის როლი უნდა გაითავისონ. არ უნდა დაელოდოთ არც ბიზნესს და არც სახელმწიფოს და პროაქტიული ქმედებით სპირალის ყველა კომპონენტი უნდა აამოქმედოთ. ერთის მხრივ, ეს ხელს შეუწყობს მეცნიერების კომერციალიზაციის საკითხს და მეორეს მხრივ, კვლევისა და განვითარების შედეგების პრაქტიკულ გამოყენებაზე საწარმოო და ბიზნეს საქმიანობაში. რაც შეეხება პანდემიის გავლენას ჩვენს ეკონომიკაზე, ვფიქრობ, მთელმა მსოფლიომ მიღებული გამოცდილების მაგალითზე უნდა დაიწყოს შესაბამისი მომზადება პრევენციისთვის. პანდემიამ ბევრი ისეთი პრობლემა დაგვანახა, რომელიც აქამდე მხოლოდ მცირერიცხოვანი ეკონომისტების თავსატეხი იყო. საჭიროა, როგორც მიწოდების ღირებულებათა ჯაჭვისა და ღირებულებათა ქსელის დიფერენცირება, აგრეთვე უსაფრთხოების მეტი სტანდარტისა და ნიშნულის შემოტანა ეკონომიკის მართვის საკითხებში. ეკონომიკური დაცულობის ახალი პარამეტრები დაგვეხმარება ეკონომიკის კიდევ უფრო გახსნისთვის, რისთვისაც მუდმივი დაკვირვებაა საჭირო ლოგისტიკური ნაკადების ცვლილებაზე და უსაფრთხოების რკალების ჩამოყალიბებისთვის. მათ შორის, უპირველესად, სასურსათო და ენერგეტიკული უსაფრთხოების დაცვით. აქეთ უნდა იყოს მიმართული მთავრობის და, რასაკვირველია, პარლამენტის სრული ძალისხმევა, რათა ახლადშექმნილ გარემოებებს ხელისუფლებამ, შესაბამისად მომზადებული საკანონმდებლო ბაზით, წინმსწრები ნაბიჯებით უპასუხოს. და ეს პირველ რიგში, უნდა იყოს გარდამტეხი ინოვაციებით პასუხი და არა მხოლოდ არსებულ სიტუაცისთან გამკლავება,“ - აღნიშნა დავით სონღულაშვილმა.

თსუ-ს VI საერთაშორისო სამეცნიერო კონფერენციის პლენარული სხდომის გახსნაში მონაწილეობას ასევე იღებდნენ საქართველოს ეკონომიკისა და მდგრადი განვითარების მინისტრი ნათია თურნავა, საქართველოს განათლების და მეცნიერების მინისტრის მოადგილე ნუნუ მიცკევიჩი, თსუ-ს რექტორი გიორგი შარვაშიძე, თსუ-ს ეკონომიკისა და ბიზნესის ფაკულტეტის დეკანი გიორგი ღაღანიძე და სხვა.

[R]
სრულად
დავით სონღულაშვილი: მცირე და საშუალო ბიზნესისთვის წვდომა თანამედროვე ტექნოლოგიებზე, მათ ხდის მეტად კონკურენტუნარიანებს ბაზარზე
დავით სონღულაშვილი: მცირე და საშუალო ბიზნესისთვის წვდომა თანამედროვე ტექნოლოგიებზე, მათ ხდის მეტად კონკურენტუნარიანებს ბაზარზე
გურჯაანის ტექნოპარკში საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის და საქართველოს სავაჭრო-სამრეწველო პალატის ორგანიზებით გაიმართა შეხვედრა ,,ღია დიალოგი ბიზნესთან".
სრულად
დავით სონღულაშვილი: რეფორმებისადმი ნდობის მაჩვენებლის გაზრდისა და პროცესის გაჯანსაღებისთვის, აუცილებელია საზოგადოებისა და დაინტერესებული მხარეების მაქსიმალური ჩართულობა
დავით სონღულაშვილი: რეფორმებისადმი ნდობის მაჩვენებლის გაზრდისა და პროცესის გაჯანსაღებისთვის, აუცილებელია საზოგადოებისა და დაინტერესებული მხარეების მაქსიმალური ჩართულობა
„რა თქმა უნდა, პრობლემების დაძლევა მხოლოდ მთავრობისა და მხოლოდ ხელისუფლების საქმე ვერ იქნება და სწორედ, აქ არის საჭირო საზოგადოების ჩართულობის აუცილებლობა, ამიტომ მზად ვარ რომ ყველა ფორმატი და ყველა პლატფორმა გამოვიყენო, რათა ვაწარმოოთ დიალოგი ეკონომიკური რეფორმების კუთხით, საზოგადოების, დაინტერესებული მხარეების მაქსიმალური ჩართულობისა და მით უფრო გადაწყვეტილებების მიღების პროცესში.
სრულად
დავით სონღულაშვილი: 2021 გადამწყვეტი წელი იქნება, როგორც პანდემიის უარყოფითი შედეგების ნიველირების კუთხით, ასევე სწრაფი ეკონომიკური ცვლილებების მხრივ
დავით სონღულაშვილი: 2021 გადამწყვეტი წელი იქნება, როგორც პანდემიის უარყოფითი შედეგების ნიველირების კუთხით, ასევე სწრაფი ეკონომიკური ცვლილებების მხრივ
მინდა შევეხო პანდემიის შედეგებთან ბრძოლასა და ქვეყნის ეკონომიკის სწრაფი აღდგენის საჭიროებას, რომელიც სასიცოცხლოდ მნიშვნელოვანია სხვადასხვა სფეროს ბიზნესის წარმომადგენლებისთვის.
სრულად
დავით სონღულაშვილი: მცირე და საშუალო ბიზნესის სექტორი ქვეყნის ეკონომიკის ხერხემალი და მთავარი დამსაქმებელია
დავით სონღულაშვილი: მცირე და საშუალო ბიზნესის სექტორი ქვეყნის ეკონომიკის ხერხემალი და მთავარი დამსაქმებელია
ევროპული სახელმწიფოს მშენებლობისთვის მნიშვნელოვანია, რომ ქვეყანაში მიმდინარე პოლიტიკური პროცესების მიუხედავად, არ იცვლება ქვეყნის მთავარი ორიენტირი როგორც სოციალურ-ეკონომიკური, ასევე სახელმწიფო მმართველობის განვითარების კუთხით.
სრულად
დავით სონღულაშვილი - სიღნაღელებს განსაკუთრებულად შეუძლიათ ერთობით იშრომონ მუნიციპალიტეტის, თავისი მხარის წარმატებაზე, ამის ძალიან დიდი პოტენციალი და ტრადიციაა [R]
დავით სონღულაშვილი - სიღნაღელებს განსაკუთრებულად შეუძლიათ ერთობით იშრომონ მუნიციპალიტეტის, თავისი მხარის წარმატებაზე, ამის ძალიან დიდი პოტენციალი და ტრადიციაა [R]
„სიღნაღელებს განსაკუთრებულად შეუძლიათ ერთობით იშრომონ მუნიციპალიტეტის, თავისი მხარის წარმატებაზე, ამის ძალიან დიდი პოტენციალი და ტრადიციაა - განაცხადა „ქართული ოცნება-დემოკრატიული საქართველოს“ გურჯაანის, საგარეჯოს, სიღნაღის და დედოფლისწყაროს მაჟორიტარი დეპუტატობის კანდიდატმა დავით სონღულაშვილმა სიღნაღში, წარდგენაზე სიტყვით გამოსვლისას.
სრულად
„ქართული ოცნების“ ლიდერები „შეღავათიანი აგროკრედიტის” მხარდაჭერით შექმნილ ცხოველების საკვების მწარმოებელ კომპანიაში იმყოფებოდნენ [R]
„ქართული ოცნების“ ლიდერები „შეღავათიანი აგროკრედიტის” მხარდაჭერით შექმნილ ცხოველების საკვების მწარმოებელ კომპანიაში იმყოფებოდნენ [R]
საქართველოს პრემიერ-მინისტრმა გიორგი გახარიამ, „ქართული ოცნების" გენერალურმა მდივანმა კახა კალაძემ, პარლამენტის თავმჯდომარე არჩილ თალაკვაძემ და გურჯაანის, საგარეჯოს, სიღნაღისა და დედოფლისწყაროს მაჟორიტარი დეპუტატობის კანდიდატმა დავით სონღულაშვილმა ცხოველების საკვების მწარმოებელი კომპანია დაათვალიერეს.
სრულად
deneme bonusu veren siteler
deneme bonusu veren siteler