პოლიციელების მიერ განხორციელებული მონიტორინგის შედეგად ბოლო 24
საათის განმავლობაში მთელი ქვეყნის მასშტაბით, დაწესებული შეზღუდვების
ფარგლებში მოქმედი რეგულაციების დარღვევის 706 ფაქტი გამოვლინდა.
ინფორმაციას შინაგან საქმეთა სამინისყრო ავრცელებს.
უწყების ინფორმაციით, პოლიციამ ადმინისტრაციულ სამართალდარღვევათა
კოდექსის 42(10)-ე მუხლის შესაბამისად 91 ფიზიკური პირი
დააჯარიმა.
დაჯარიმებულთა შორის არიან მოქალაქეები, რომლებმაც 21 საათიდან დილის
5 საათამდე დაწესებული გადაადგილების შეზღუდვის წესი დაარღვიეს.
გარდა ამისა, 24 საათის განმავლობაში პირბადის ტარების წესის
დარღვევის ფაქტზე, ადმინისტრაციულ სამართალდარღვევათა კოდექსის
42(11)-ე მუხლის შესაბამისად 615 ფიზიკური პირი დაჯარიმდა.
პირბადის ტარების წესის დარღვევა ადმინისტრაციულ პასუხისმგებლობას და
ასკ-ის 42(11) -ე მუხლის შესაბამისად 20 ლარის ოდენობით
ჯარიმდება.
იზოლაციისა და კარანტინის წესის დარღვევა იწვევს ადმინისტრაციულ
პასუხისმგებლობას და ასკ–ის 42(10)-ე მუხლის შესაბამისად ფიზიკური
პირის დაჯარიმებას 2 000 ლარით, ხოლო იურიდიული პირის – 10 000 ლარის
ოდენობით. განმეორებითი ჯარიმა კი სისხლისსამართლებრივ
პასუხისმგებლობას ითვალისწინებს.
მასალის გამოყენების პირობები