მშვიდობა და სტაბილურობა არის მთავარი მონაპოვარი და თავისუფლება ზოგადად ჩვენი მოქალაქეების, რაც პირველმა ოქტომბერმა მოიტანა და განვითარება ყველა მიმართულებით, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ ქარელის მერობის კანდიდატის, ზაზა გულიაშვილის წარდგენისას განაცხადა.

თბილისის მერად კახა კალაძის არჩევის შემთხვევაში, დედაქალაქში „ჭკვიანი სატრანსპორტო სისტემა“ 2022 წლიდან ამოქმედდება, - ამის შესახებ ვიცე-მერმა ირაკლი ხმალაძემ სატრანსპორტო პოლიტიკის ძირითადი პროგრამების პრეზენტაციაზე განაცხადა.

ადგილობრივი თვითმმართველობის წინასაარჩევნო კამპანიის ფარგლებში, თბილისის მერობის კანდიდატი, კახა კალაძე და ისნის მაჟორიტარი დეპუტატობის კანდიდატი, კახაბერ ლაბუჩიძე ვაზისუბანში, კვაჭანტირაძის #30-ში და ჯუმბერ ლეჟავას ქუჩაზე მოსახლეობას შეხვდნენ.

თბილისის მერობის კანდიდატს კახა კალაძეს ადგილობრივი თვითმმართველობის არჩევნებში მოსახლეობის სრული მხარდაჭერის იმედი აქვს და მეორე ტურის ჩატარების საჭიროებას გამორიცხავს.

„ქართული ოცნება - დემოკრატიული საქართველოს“ გენერალურმა მდივანმა, თბილისის მერობის კანდიდატმა, კახა კალაძემ დედაქალაქის საკრებულოს წევრობის კანდიდატები წარადგინა. კახა კალაძემ კანდიდატებს მომავალ თვითმმართველობის არჩევნებში წარმატებები უსურვა.

ამ არჩევნების შემდეგ, ქვეყანაში 3 წელი, 2024 წლამდე, არ იქნება არჩევნები და ეს 3 წელი უნდა იყოს აღმშენებლობის, მუშაობის, პროგრესის და განვითარების წლები

ჩვენი ოპონენტები, მეგობრებო, არაფერს გვთავაზობენ გარდა ბნელი წარსულისა და ბნელი გამოცდილებისა; ჩვენმა ხალხმა უარი თქვა მჩაგვრელ, მკვლელ და ანტიეროვნულ ძალაზე, რომელიც უსამართლოდ მართავდა ჩვენს ქვეყანას და ათასობით ადამიანი გააუბედურეს და დახოცეს პირდაპირ, გვახსოვს კარგად ახალგაზრდების პირდაპირ ჩაცხრილვა ქუჩებში, ეს დრო აღარასოდეს აღარ დაბრუნდება ქართველი ხალხის ძალით, ქართველი ხალხის გადაწყვეტილებით

მასშტაბური სამუშაოები ხორციელდება მართლაც რიკოთის უღელტეხილზე, მართლაც საუკუნის პროექტია, შენდება 96 ხიდი და 53 გვირაბი; თბილისიდან ბათუმში 3 საათში ჩავა ნებისმიერი მოქალაქე, რაც, რა თქმა უნდა, არის ძალიან დიდი კომფორტი

ჩემი დავალებით, მთავრობამ შეიმუშავა გრძელვადიანი განვითარების ხედვები ყველა სექტორის მიმართულებით, იქნება ეს სოფლის მეურნეობა, ადგილობრივი წარმოების განვითარება, ინფრასტრუქტურა, რეგიონების განვითარება

კარგად გვახსოვს, რა მდგომარეობა იყო ციხეებში - პატიმრების, ჩვენი თანამოქალაქეების წამება, ტანჯვა, გაუპატიურება იყო ყოველდღიური ტრაგედია, ათასობით გაუბედურებული ოჯახი, რეალური ისტორიები, ეს ხომ არ არის მოგონილი, უტრირებული ლეგენდები, კონკრეტული ფაქტები, რომელიც იხილა მთელმა მსოფლიომ, როცა მოხდა ამ დამნაშავე, მჩაგვრელი, სადისტური და პირდაპირ უნდა ითქვას, მკვლელი რეჟიმის მხილება

ჩვენ კარგად გვახსოვს ის მჩაგვრელი, რეპრესიული მკვლელი რეჟიმი, რომლის წინააღმდეგ ჩვენ ყველანი გავერთიანდით ჩვენი დამფუძნებლის, ბიძინა ივანიშვილის ლიდერობით და ქვეყანას მოვუტანეთ ისტორიული გამარჯვება

ჩვენ ვგეგმავთ მომდევნო წლების განმავლობაში 7 მილიარდი ლარის ინვესტიციების განხორციელებას სოფლის მეურნეობის მიმართულებით; სოფლის მეურნეობა არის ერთ-ერთი ეფექტური გამოსავალი და ხსნა ამ მძიმე ვითარებისთვის, იმისთვის, რომ მაქსიმალურად დასაქმდეს ჩვენი მოსახლეობა, რომ შევქმნათ მაქსიმალური დოვლათი

ჩვენ ახლა აქტიურად ვმუშაობთ ქვეყნის გრძელვადიანი განვითარების გეგმაზე, მოსახლეობას უნდა ავუხსნათ, და ჩვენ ამას ვაკეთებთ ბოლო რამდენიმე კვირაა უკვე, თუ საით მიდის ქვეყანა, როგორ დავძლევთ ამ სიღარიბეს და მთავარ გამოწვევას, რაც არის უმუშევრობა და ეკონომიკური სიდუხჭირე, ყველაზე მთავარი საკითხი დღეს ქვეყანაში არის სწორედ ეს

2012 წლის 1-ელ ოქტომბერს ისტორიული გამარჯვება მოვიტანეთ; რა თქმა უნდა, ეს გამარჯვება არ იქნებოდა, რომ არა ჩვენი დამფუძნებლის და ლიდერის ბატონი ბიძინა ივანიშვილის თავდადება ჩვენი ქვეყნისა და ხალხისათვის და რომ არა ქართველი ხალხის ასევე თავგანწირვა იმ მჩაგვრელი, რეპრესიული რეჟიმის წინააღმდეგ, რომელიც მაშინ მართავდა ჩვენს ქვეყანას

მოგესალმებით, გვინდა გამოვეხმაუროთ გუშინ გამოქვეყნებულ სოციოლოგიურ კვლევებს, რომლის მიხედვითაც, ხვალ რომ არჩევნები ტარდებოდეს, კახა კალაძეს, როგორც „ქართული ოცნების“ მერობის კანდიდატს მხარს უჭერს გამოკითხულთა 61.4% პროცენტი.

რაც შეეხება ჩვენს მისწრაფებას, ჩვენი ხელისუფლების დამსახურებაა ის, და არა თქვენი ხელმძღვანელების, სააკაშვილის და მისი „ნაცმოძრაობის“ ხელმძღვანელების, ის, რომ საქართველოს ევროატლანტიკური კურსი გახდა შეუქცევადი

„ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე, დედაქალაქის საკრებულოში ნაძალადევის მაჟორიტარი დეპუტატობის კანდიდატ ირაკლი ხელაძესთან ერთად, სანზონის დასახლებაში მიმდინარე ინფრასტრუქტურულ სამუშაოებს გაეცნო და ადგილობრივ მოსახლეობას შეხვდა.

იყო ნიკო ნიკოლაძის ქალაქის მერი, ეს, რა თქმა უნდა, ძალიან საპატიო და საამაყო და ამავდროულად - ძალიან დიდი პასუხისმგებლობა. მჯერა, ჩვენი კანდიდატი ბექა სწორედ ამ პასუხისმგებლობით, ამ სულისკვეთებით, ამ მოტივაციით გააგრძელებს ქალაქის შენებას

სოფელ ხიბულაში, პრეზიდენტის მემორიალური სახლი აღადგინა ბატონმა ბიძინა ივანიშვილმა, ასევე, მისი გადაწყვეტილებით სახლის ტერიტორიაზე აშენდა ულამაზესი ტაძარი და კეთილმოეწყო ტერიტორია, რაშიც ბატონი ბიძინა ივანიშვილის ფონდის მიერ 13 მილიონი ლარი დაიხარჯა, ამისთვის მადლობა პირადად ბატონ ბიძინა ივანიშვილს და მადლობა "ფონდ ქართუს"

90-იანი წლები გვახსენებს ასევე იმას, როგორ არ უნდა მოექცე საკუთარ სამშობლოს და ქვეყანას, საუბედუროდ, ანალოგიური გაგრძელდა 21-ე საუკუნეშიც, ჩვენ ვიხილეთ უდიდესი სირცხვილი, როცა იმდროინდელმა ხელისუფალმა და მმართველმა ჩვენს მოსახლეობას ვერ აარიდა დიდი უბედურება, ნგრევა, ომი და ტერიტორიების დროებით ოკუპაცია - კოდორის ხეობის მოღალატეობრივად ჩაბარება, ასობით სოფლის ასევე ჩაბარება და ათასობით ადამიანის დევნილობაში გადმოხვეწა